ក្រសួងធនធានទឹកប្រកាសពីលទ្ធភាពនៃការធ្លាក់ភ្លៀងចាប់ពីថ្ងៃទី២០ ខេត្តកោះកុង អាចទទួលរងទឹកភ្លៀងច្រើនជាងគេ
ភ្នំពេញ៖ ក្រសួងធនធានទឹកនិងឧតុនិយម បានឱ្យដឹងថា ចាប់ពីថ្ងៃទី២០ ខែមេសា រហូតដល់ថ្ងៃទី២៦ ខែមេសា ភ្លៀងនឹងចាប់ផ្ដើមធ្លាក់នៅទូទាំងប្រទេសពីកម្រិតខ្សោយទៅមធ្យម ដោយមានលាយឡំផ្គរ រន្ទៈ និងខ្យល់កន្ត្រាក់ ខណៈខេត្តកោះកុង អាចទទួលនូវបរិមាណទឹកភ្លៀងច្រើនជាងគេ។
ក្នុងសេចក្ដីជូនដំណឹងចុះថ្ងៃទី១៩ ខែមេសា ឆ្នាំ២០២២ ក្រសួងឧតុនិយមឱ្យដឹងថា បញ្ហាបណ្ដាលឱ្យមានភ្លៀងធ្លាក់នេះបណ្ដាលមកពីឥទ្ធិពលទ្រនុងសម្ពាធខ្ពស់ (ប៉ាស៊ីហ្វិក) និងកម្រិតសម្ពាធទាបខ្សោយ។
ក្រសួងស្នើដល់សាធារណជនបង្កើនការប្រុងប្រយ័ត្នចំពោះបាតុភូតធម្មជាតិដែលអាចកើតឡើងជាយថាហេតុ។
បើតាមក្រសួងធនធានទឹក សីតុណ្ហភាពនៅកម្ពុជាពីថ្ងៃទី២០ រហូតដល់ថ្ងៃទី២៦ ខែមេសា មានចន្លោះពី២២ ដល់៣៦អង្សាសេ៕
ព័ត៌មានជាច្រើនទៀតសម្រាប់អ្នក
